Author name: CDE Office

सन् २०२५ जुन २८ र २९ गते, जापानमा पहिलो पटक PI तालिम ओकिनावा प्रान्तको नाहा सहरमा संचालन गरियो। यो तालिममा ओकिनावामा बसोबास गर्ने नेपाली विद्यार्थीहरू र काम गर्ने व्यक्तिहरू गरी जम्मा ९ जना सहभागी भएका थिए।

सन् २०२५ को मे महिनामा ट्रेनरको तालिम पूरा गरेका नेपाली प्रशिक्षकले तालिम संचालन गरेका थिए। सहभागीहरूले सक्रिय रूपमा आफ्ना विचार व्यक्त गरेकाले तालिम अत्यन्तै जीवन्त र उत्साहपूर्ण वातावरणमा सम्पन्न भएको थियो।

यस तालिम मार्फत धेरै सहभागीहरूले आफ्ना भविष्यका लक्ष्यहरू स्पष्ट रूपमा सोच्न थालेको देखियो। सहभागीहरूमध्ये दुई जनाले “जसरी पनि आफ्नै व्यवसाय सुरु गर्न चाहन्छु” भन्ने दृढ इच्छा व्यक्त गरे। हाल कन्भिनियन्स स्टोरमा काम गरिरहेका एक सहभागीले पनि “भविष्यमा आत्मनिर्भर भई स्वतन्त्र रूपमा काम गर्न चाहन्छु” भन्ने सकारात्मक धारणा राखे। वास्तवमा, सहभागीहरूमध्ये एक जनाले तालिमपछि नेपाली म:म: बिक्री गर्ने सानो व्यवसाय परीक्षणको रूपमा सुरु गरेका छन् र राम्रो प्रतिक्रिया पाइरहेका छन्।

CDE ले आगामी दिनहरूमा पनि ओकिनावामा PI तालिम निरन्तर रूपमा सञ्चालन गर्दै जापानमा बसोबास गर्ने नेपालीहरूलाई आत्मनिर्भर बन्न र उद्यम सुरु गर्न सहयोग गर्दै जाने योजना बनाएको छ।

सन् २०२५ अक्टोबर २४ शुक्रबार कुमामोटोस्थित क्युशु सर्वेइङ स्कूलको जापानी भाषा विभागमा अध्ययनरत नेपाली विद्यार्थीहरूलाई लक्षित गरी स्टडी टुरको आयोजना गरियो। यस स्टडी टुरमा कुल ६८ जना विद्यार्थीहरू सहभागी भएका थिए। तीमध्ये २७ जनाले “आसो यामानामी रिसोर्ट होटल एन्ड गल्फ क्लब” भ्रमण गरे भने ४१ जनाले तमाना सहरस्थित “मिजुमोतो ओरेन्ज गार्डेन, तामाना सिटी” को भ्रमण गरेका थिए।
“आसो यामानामी रिसोर्ट होटल एन्ड गल्फ क्लब” मा कम्पनीको बारेमा सरल रूपमा जानकारी दिएपछि कम्पनिका प्रमुख चोङज्युले जापानमा कसरी उद्यम सुरु गर्नुभयो भन्ने विषयमा जानकारी प्रदान गर्नुभयो। त्यसपछि कम्पनिको अवलोकन गराइयो र त्यहाँ कार्यरत ५ जना नेपाली कर्मचारीहरूसँग अन्तरक्रिया कार्यक्रम पनि भयो।
सहभागी विद्यार्थीहरूले पहिलो पटक गल्फ मैदान देख्दा धेरै ठूलो र सुन्दर लागेको बताए। त्यहाँ नेपालीहरू पनि काम गरिरहेको देखेर आफूलाई पनि जापानमा काम गर्न सकिन्छ भन्ने आत्मविश्वास बढेको प्रतिकृया दिए। उनिहरूले यस भ्रमणले कार्यस्थल बुझ्न र भविष्यको करियरबारे सोच्न ठूलो सिकाइ दिएको बताएका थिए।

“मिजुमोतो ओरेन्ज गार्डेन” मा, १४० वर्षभन्दा बढी इतिहास बोकेको यस बगैंचाले कसरी पर्यटकीय कृषि फार्मका रूपमा हालको व्यवसायिक स्वरूपमा विकास गर्‍यो भन्ने विषयमा जानकारी दिइयो। साथै झारनाशक प्रयोग नगरीकन जैविक पदार्थ र कम रासायनिक प्रयोगमार्फत मीठा सुन्तला उत्पादन गर्न अपनाइएका उपायहरूबारे पनि व्याख्या गरियो। साथै फार्मको आकर्षणको प्रत्यक्ष अनुभव गराउन सुन्तला टिप्ने कार्यक्रम र बार्बेक्यु पनि आयोजना गरिएको थियो। नेपालमा सुन्तला खेतीमा संलग्न भएका विद्यार्थीहरू पनि सहभागी भएकाले सक्रिय प्रश्नोत्तर भएको थियो। विद्यार्थीहरूबाट “जापान आएपछि लामो समयदेखि चासो रहेको नेपाल र जापानका सुन्तलाको गुणस्तरको फरक बुझ्न पाउँदा राम्रो लागेको र बार्बेक्यु तथा सुन्तला टिप्ने अनुभव गर्न पाउँदा निकै आभारी भएको” प्रतिक्रिया आयो।

यस स्टडी टुरले विद्यार्थीहरूलाई जापानको काम गर्ने ठाउँ प्रत्यक्ष अवलोकन गर्ने र त्यहाँ काम गर्ने मानिसहरूको अनुभव प्रत्यक्ष्य सुन्ने अवसर प्रदान गर्दै जापानमा रोजगारी तथा क्षेत्रीय उद्योगप्रतिको बुझाइलाई गहिरो बनाउने एक राम्रो अवसरको रूपमा काम गर्‍यो

CDE परियोजना मार्फत २०२४ सालको अक्टोबरदेखि डिसेम्बरसम्म गरी जम्मा १० पटक करियर विकास तालिम कार्यक्रम सञ्चालन गरियो र कुल २२३ जना विद्यार्थीहरू सहभागी भएका थिए। प्रत्येक कार्यक्रमको विस्तृत विवरण तलको तालिकामा दिइएको छ।

सम्पन्न महिना	सञ्चालन गरिएका जापानी भाषा स्कूल	प्रदेश	जिल्ला	सहभागी संख्या
२०२४.१०	Globe International Edu. Consult	बाग्मती	काठमाडौँ	२०
२०२४.१०	Alright International Consultancy	बाग्मती	चितवन	१८
२०२४.११	Susuki consultancy Pvt. Ltd	लुम्बिनी	नवलपरासी	४०
२०२४.११	BITA Training Center	लुम्बिनी	रुपन्देही	२२
२०२४.१२	Kotodama Language Institute Pvt. Ltd	बाग्मती	काठमाडौँ	३२
२०२४.१२	Ariake Language Training & Education Consultancy	बाग्मती	काठमाडौँ	१०
२०२४.१२	Hinode Japanese Language Institute	बाग्मती	ललितपुर	१३
२०२४.१२	Tomodachi International Language Center	गण्डकी	नवलपुर	२३
२०२४.१२	Noriba International Consultancy	बाग्मती	काठमाडौँ	२५
२०२४.१२	Haisai Multiple Nepal	लुम्बिनी	रुपन्देही	२०

२०२४ सालको अक्टोबरदेखि डिसेम्बरसम्म बागमती प्रदेशका २ जिल्ला, गण्डकी प्रदेशको १ जिल्ला तथा लुम्बिनी प्रदेशका २ जिल्लामा कार्यक्रमहरू सञ्चालन गरियो।
तीमध्ये डिसेम्बर महिनामा Ariake Language Training & Education Consultancy मा सञ्चालन गरिएको कार्यक्रममा प्राविधिक इन्टर्नशिप वा विशेष सीपयुक्त कामदारको भिसामार्फत जापान जान चाहने विद्यार्थीहरूले जापानमा भाषा शिक्षकको रूपमा कार्यअनुभव प्राप्त गरेकी सुनिता म्यामको मार्गदर्शनमा आफ्ना करियरबारे गम्भीर रूपमा विचार गर्ने अवसर पाए।
करियर लक्ष्य प्रस्तुत गर्ने क्रममा विद्यार्थीहरूले “जापानमा गएर खाद्य प्रशोधन सम्बन्धी प्रविधि सिक्न चाहन्छु र भविष्यमा नेपाल फर्किएर त्यस ज्ञानलाई उपयोग गर्न सकिने काम गर्न चाहन्छु” , “खाद्य प्याकेजिङ मा रुचि भएकाले जापानको विकसित प्रविधि सिकेर नेपालमा फर्किएपछि कम्पनी स्थापना गर्न चाहन्छु” भन्ने जस्ता जापानमा हासिल गर्न चाहने ठोस प्रविधि र भविष्य योजना पनि प्रस्तुत गरेका थिए।

त्यस्तै डिसेम्बर महिनादेखि C D E परियोजना मार्फत तालिम प्राप्त ट्रेनर काठमाडौंमा पनि पूर्ण रूपमा सक्रिय हुन थालेका छन्। यसरी कार्यक्रमको कार्यान्वयन क्षेत्र थप सुदृढ बनाइएको छ। आगामी दिनहरूमा काठमाडौं आसपासका जापानी भाषा विद्यालयहरूमा कार्यक्रम विस्तार गर्ने योजना छ।。

CDE परियोजना मार्फत २०२४ सालको जुलाईदेखि सेप्टेम्बरसम्म गरी जम्मा ६ पटक करियर विकास तालिम कार्यक्रम सञ्चालन गरियो र कुल १४५ जना विद्यार्थीहरू सहभागी भएका थिए। प्रत्येक कार्यक्रमको विस्तृत विवरण तलको तालिकामा दिइएको छ।

सम्पन्न महिना	सञ्चालन गरिएको जापानी भाषा स्कूल	प्रदेश	जिल्ला	सहभागी संख्या
२०२४.८	Celta Educare Consultancy	बाग्मती	काठमाडौँ	१९
२०२४.८	Hayabusa Consultancy and Training Center	बाग्मती	काठमाडौँ	३४
२०२४.८	Central College of Vocational Tanning	लुम्बिनी	रुपन्देही	२४
२०२४.९	Ichigo Japanese language and Consultancy	बाग्मती	मकवानपुर	२२
२०२४.९	Susuki Consultancy Pvt. Ltd.	लुम्बिनी	नबलपरासी	२४
२०२४.९	Hayabusa Consultancy and Training Center	बाग्मती	काठमाडौँ	२२

२०२४ को जुलाईदेखि सेप्टेम्बरसम्म राजधानी काठमाडौँमा रहेको बाग्मती प्रदेश तथा लुम्बिनी प्रदेशका चारवटा जिल्लामा करियर विकास कार्यक्रम सञ्चालन गरियो। जसमध्ये अगष्ट महिनामा काठमाडौँको Celta Educare Consultancy मा भएको कार्यक्रममा कर्मचारी एजेन्सीमा काम गरेको अनुभव भएका रविन्द्र सरको मार्गदर्शनमा, विद्यार्थी वा विशेष सीप भिषामा जापान जान चाहने विद्यार्थीहरूले आफ्नो करियरबारे गम्भीर रूपमा विचार गर्ने अवसर पाए। करियर लक्ष्य प्रस्तुत गर्ने क्रममा, विद्यार्थीहरूले “जापानमा गएर IT सिकेर, नेपाल फर्किएपछि त्यस कौशललाई प्रयोग गरी व्यवसाय सुरू गर्न चाहन्छु, र अन्य नेपालीहरूका लागि रोजगारीको अवसर सिर्जना गर्न चाहन्छु” भन्ने जस्ता स्वदेश फर्किएपछिको भविष्यलाई ध्यानमा राखिएका लक्ष्यहरू प्रस्तुत गरेका थिए।
यस्तै, सेप्टेम्बर महिनादेखि C D E परियोजना मार्फत तालिम दिएका २ जना ट्रेनरहरूले विभिन्न स्कूलहरूमा क्लास संचालन गर्न थाल्नु भयो र यससँगै कार्यक्रमको कार्यक्षेत्र लुम्बिनी प्रदेशसम्म विस्तार गरियो।

आगामी दिनहरूमा, बुटवल र चितवन जस्ता जापानी भाषा स्कूलहरू धेरै भएका स्थानीय शहरहरूमा पनि कार्यक्रम विस्तार गर्ने योजना रहेको छ।

CDE परियोजना मार्फत सन् २०२४ सालको अप्रिलदेखि जुनसम्म गरी जम्मा पाँच पटक करियर विकास तालिम कार्यक्रम सञ्चालन गरियो जसमा कुल ७५ जना विद्यार्थीहरू सहभागि भएका थिए। प्रत्येक कार्यक्रमको विस्तृत विवरण तलको तालिकामा दिइएको छ।

सम्पन्न महिना	सञ्चालन गरिएको जापानी भाषा स्कूल	प्रदेश	जिल्ला	सहभागि संख्या
२०२४.४	Hayabusa Consultancy and Training Center	बाग्मती	काठमाडौँ	२३
२०२४.५	Kansai Nihongo	गण्डकी	बाग्लुङ्ग	८
२०२४.५	Origami Language Institute	गण्डकी	बाग्लुङ्ग	१०
२०२४.५	Yuki Japanese Language Institute	गण्डकी	बाग्लुङ्ग	१२
२-२४.५	Ariake Language Training & Education Consultancy	बाग्मती	काठमाडौँ	२२

सन् २०२४ सालको अप्रिलदेखि जुनसम्म बाग्मती प्रदेश र गण्डकी प्रदेशका दुईवटा जिल्लामा करियर विकास तालिम कार्यक्रम सम्पन्न गरियो। यसमध्ये काठमाडौँको Hayabusa Consultancy and Training Center मा भएको कार्यक्रममा जापानका ठूला होटल समूहमा काम गरेको अनुभव भएका उमेश सरको मार्गदर्शनमा विद्यार्थीहरूले आफ्नो करियरबारे गम्भीर रूपमा सोच्ने मौका पाए। करियर लक्ष्य प्रस्तुत गर्ने क्रममा विद्यार्थीहरूले जापानी भाषा शिक्षक, नर्स, सफ्टवेयर इञ्जिनियर, केयरगिभर आदि विभिन्न क्षेत्रमा रुचि रहेको कुरा व्यक्त गरेका थिए। त्यसैगरी बाग्लुङ्गको Origami Language Institute मा सम्पन्न गरेको कार्यक्रममा जापानको विश्वविद्यालयबाट स्नातक गरेर आफ्नै जन्मस्थलमा फर्किएका निश्चल सरले तालिम सञ्चालन गर्नुभएको थियो।

विद्यार्थीहरूले “जापान जानुअघि यस्तो क्लास लिन पाउँदा खुसी छु” “हामी जस्ता विद्यार्थी भिसामा जापान जाने लक्ष्य राख्ने विद्यार्थीहरूका लागि विशेष रूपमा उपयोगी भएको जस्तो लाग्यो। यो क्लास लिएपछि अझ कडा मेहनत गरेर पढ्नुपर्छ भन्ने भावना बढ्यो” जस्ता प्रतिक्रियाहरू व्यक्त गरे।

२०२५सालको जुलाईदेखि सेप्टेम्बरसम्म सञ्चालन गरिएका करियर विकास कार्यक्रमहरू निम्नानुसार छन्।

१. निहोन केइजाइ दाइगाकु (फुकुओका)
सञ्चालन मिति: जुलाई १ देखि ३
सहभागी संख्या: नेपाली विद्यार्थी २१६ जना र अन्य विदेशी विद्यार्थी १३० जना
जुलाई १ देखि ३ सम्म कुल ३४६ जना विद्यार्थीलाई लक्षित गरी उक्त विश्वविद्यालयमा करियर विकास कार्यक्रम सञ्चालन गरियो।
यो कार्यक्रम अघिल्लो मे महिनामा गरिएको कार्यक्रम जस्तै विश्वविद्यालयको रोजगारी खोज्ने तयारी कार्यक्रमको एक भागका रूपमा राखिएको थियो। विद्यार्थीहरूले रोजगारी खोज गतिविधि तर्फको आफ्नो तयारीलाई मजबुत पार्दै उच्च जागरूकताका साथ गम्भीरतापूर्वक सहभागिता जनाए।

२. एभरेस्ट इन्टरनेशनल स्कुल (टोकियो)
सञ्चालन मिति: अगस्ट २९
सहभागी संख्या: कक्षा १२ का ४० जना विद्यार्थी
एभरेस्ट इन्टरनेशनल स्कुलमा कक्षा १२ का विद्यार्थीहरूलाई लक्षित गरी पहिलोपटक करियर विकास कार्यक्रम सञ्चालन गरियो।
विद्यार्थीहरू निकै उत्साहका साथ कक्षामा सहभागी भए र देश विदेशका विश्वविद्यालयमा भर्ना हुने सम्भावनालाई ध्यानमा राखी सक्रिय रूपमा आफ्नो भविष्यको योजना बारे सक्रिय रुपमा छलफल गरेका थिए।

३. हिरोशिमा YMCA (हिरोशिमा)
सञ्चालन मिति: सेप्टेम्बर १२
सहभागी संख्या: २१ जना
हिरोशिमा YMCA मा पहिलोपटक करियर विकास कार्यक्रम बिदाको दिनमा विशेष कक्षाको रूपमा सञ्चालन गरियो। बिदाको दिन भएर पनि धेरै विद्यार्थीहरू गम्भीरतापूर्वक कक्षामा सहभागी भएका थिए।

यस अवधिमा, विशेष गरी हिरोशिमास्थित जापानी भाषा स्कूलमा पहिलोपटक कार्यक्रम सञ्चालन गर्ने अवसर मिल्यो। विद्यार्थीहरूले स्वदेश फर्किएपछि आफ्नो भविष्यको मार्गबारे स्पष्ट लक्ष्य बनाउन सकून् भनेर हरेक विद्यार्थीलाई आफ्नो भविष्यको बारेमा स्वतन्त्र रूपमा सोच्ने अवसर प्रदान गर्ने कार्यक्रमहरू कार्यान्वयन गर्न प्रयासरत रहनेछौं।

२०२५ को अप्रिलदेखि जुनसम्म सञ्चालन गरिएका सबै प्रोग्रामहरू यस प्रकार छन्।

१. निशिनिहोन जुनियर कलेज（फुकुओका）
सञ्चालन मिति： अप्रिल २४, मेइ ०१, मेइ ०८
सहभागी संख्या： जम्मा ३३ जना (जसमध्ये भियतनामी १० जना)
३ हप्तामा ३ दिन यस कलेजमा पहिलो पटक करियर विकास कार्यक्रम सञ्चालन गरियो।
नेपाली विद्यार्थीहरूलाई नेपाली भाषामा क्लास सञ्चालन गरिएको थियो, र भियतनामी विद्यार्थीहरूको लागि विद्यालयबाट दोभाषे तथा थप व्याख्याको व्यवस्था गरिएको थियो।

२. क्युशु स्योकुर्यो सेनमोन गाक्को（कुमामोतो）
सञ्चालन मिति： अप्रिल २४
सहभागी संख्या： ४२ जना
यो कार्यक्रम जनवरीमा गरिएको कार्यक्रमको फलो-अप को रुपमा सञ्चालन गरिएको हो।
यहाँका शिक्षकले “अघिल्लो कार्यक्रमपछि विद्यार्थीहरूले आफ्नो भविष्यको करियरबारे पहिलेभन्दा छिट्टै र सक्रिय रूपमा सोच्न थालेका छन्” भन्ने प्रतिक्रिया दिनुभयो, जसबाट कार्यक्रमले सकारात्मक प्रभाव पारेको देखिन्छ।

३. निहोन केइजाइ दाइगाकु（फुकुओका）
सञ्चालन मिति： मेइ १३ र मेइ १४
सहभागी संख्या： नेपाली विद्यार्थी ५३५ जना, अन्य देशका विद्यार्थी १७८ जना
उक्त विश्वविद्यालयमा ठूलो संरचनामा करियर विकास कार्यक्रम सञ्चालन गरियो।
यसपटक कार्यक्रमलाई विश्वविद्यालयको रोजगारी खोज्ने तयारी कार्यक्रमको एक भागका रूपमा राखिएको थियो। विद्यार्थीहरूले सूट लगाएर सहभागी हुनेजस्ता तयारीहरू गरेका थिए जसले उनीहरूको उच्च उत्साह देखाएको थियो।

४. क्युशु स्योकुर्यो सेनमोन गाक्को（कुमामोतो）
सञ्चालन मिति ： मेइ १५
सहभागी संख्या： १५ जना
यो कार्यक्रम मार्चमा गरिएको कार्यक्रमको फलो-अप को रुपमा सञ्चालन गरिएको हो र अघिल्लो कार्यक्रममा सहभागी भएका १५ जना सबै विद्यार्थीहरू सहभागी भएका थिए।

५. अटम गाइगो गाकुइन फुकुओका（फुकुओका）
सञ्चालन मिति： जुन २७ र जुलाइ ०४
सहभागी संख्या： २३ जना
उक्त संस्थामा यो कार्यक्रम पहिलोपटक सञ्चालन गरिएको थियो।
जापान आएको धेरै समय नभएका विद्यार्थी धेरै भए पनि उनीहरू निकै ध्यानपूर्वक सहभागी भए र विद्यार्थीहरूलाई करियर निर्माणबारे सोच्ने राम्रो अवसर प्राप्त भएको महसुस गरियो।

यस अवधिमा, धेरै विद्यालयहरूमा पहिलो पटक कार्यक्रम सञ्चालन गर्ने अवसर प्राप्त भएको थियो।
विशेषगरी जापान आएलगत्तै रहेका भाषा विद्यालयका विद्यार्थीलाई गरिएको सहयोगले उनीहरूले आफ्नो भविष्यका विकल्पहरूबारे सक्रिय रूपमा सोच्न मद्दत गर्ने महत्त्वपूर्ण सुरुवात भएको अनुभूति गरायो।
आगामी दिनमा पनि विद्यार्थीहरूको पृष्ठभूमि अनुसार सामग्रीलाई अझ सुधार गर्दै निरन्तर फलो-अप प्रणाली निर्माणमा ध्यान केन्द्रित गर्दै अगाडि बढ्नेछौँ।

सन २०२४ को अक्टोबरदेखि डिसेम्बरसम्म सञ्चालन गरिएका कार्यक्रमहरू तल प्रस्तुत गरिएको छ।

नोभेम्बर २१ मा कुमामोतो YMCA मा दोस्रो पटक करियर विकास कार्यक्रम सञ्चालन गरियो जसमा २६ जना विद्यार्थीहरू सहभागी भएका थिए।
डिसेम्बर ३ र ४ गते निहोन केइजाइ युनिभर्सिटीमा पनि करियर विकास कार्यक्रम आयोजना गरियो, जसमा दुई दिनमा जम्मा ५८ जना विद्यार्थीहरूले सहभागिता जनाए।
त्यस्तै, सोही युनिभर्सिटीमा डिसेम्बर ४ मा गत जुनमा सञ्चालन गरिएको करियर विकास कार्यक्रममा सहभागी भएका विद्यार्थीहरूका लागि पहिलो पटक फलोअप सेसन पनि सञ्चालन गरियो, जसमा ४१ जना विद्यार्थीहरू सहभागी भएका थिए। यस अघिको तालिममा भाग लिएपछि केही विद्यार्थीहरूले ठोस कदम चाल्न थालेका छन्। उदाहरणका लागि, “होटल म्यानेजर” बन्ने लक्ष्य राखेका एक विद्यार्थीले “होटल वा रेष्टुरेन्ट गएको बेलामा त्यहाको सेवा गर्ने तरिका ध्यानपूर्वक अवलोकन गर्न थालेको छु” भनी आफ्नो व्यवहारमा आएको परिवर्तन को बारेमा जानकारी गराएका थिए।

२०२४ अप्रिलमा नेपालमा पहिलो पटक शुरु गरिएको “करियर विकास कार्यक्रम” ले एक वर्षको अवधिमा नेपाल र जापान दुबै स्थानमा सयौं विद्यार्थीहरूलाई सिकाइको अवसर प्रदान गरेको छ।

यस परियोजना अन्तर्गत सञ्चालन भइरहेको “करियर विकास कार्यक्रम” को उद्देश्य जापानमा रोजगारीका लागि जाने नेपाली विद्यार्थीहरूलाई करियरका विविध विकल्पहरूबारे अवगत गराउने र उनीहरूलाई भविष्यको करियर दृष्टिकोण स्पष्ट रूपमा बनाउन सहयोग पुर्‍याउने हो। यो कार्यक्रम नेपालका जापानी भाषा विद्यालयहरूमा अध्ययनरत र भविष्यमा जापान जाने तयारीमा रहेका विद्यार्थीहरू, साथै जापानमा जापानी भाषा विद्यालय, प्राविधिक विद्यालय वा विश्वविद्यालयमा अध्ययनरत नेपाली विद्यार्थीहरू सबैका लागि लक्षित गरिएको छ।

नेपालमा २०२५ मेई महिनासम्म काठमाडौं, बागलुङ, बुटवल, हेटौंडा, नवलपरासी, चितवन, कावासोती र झापा लगायतका विभिन्न क्षेत्रका जापानी भाषा विद्यालयहरूमा जम्मा ४३ पटक करियर विकास कार्यक्रमहरू सञ्चालन गरियो। कार्यक्रममा जापानमा बसोबास र कार्यानुभव प्राप्त गरिसकेका तालिम प्राप्त प्रशिक्षकहरूले कक्षा सञ्चालन गरे र करिब ८४० जना विद्यार्थीहरूले जापान जाने तयारीका रुपमा कार्यक्रममा भाग लिए। नेपालमा अझै पनि विद्यालय स्तरमा “करियर शिक्षा” सामान्य रूपमा प्रचलित नभएको अवस्थामा, विद्यार्थीहरूले पहिलो पटक “करियर पथ” भन्ने अवधारणाबारे सुन्न पाए। दुई दिनको तालिममार्फत उनीहरूले भविष्यमा स्थायी करियर निर्माण गर्न आवश्यक सोच, मनोवृत्ति र तयारीबारे सिके र आफ्ना आगामी कार्ययोजना तयार पारे। सहभागी विद्यार्थीहरूले “जापान जानु अघि यो कार्यक्रम लिन पाउनु राम्रो भयो”, “जापान पुगेपछि कसरी जीवनयापन गर्ने भन्ने सिक्न पाएँ”, “अझ राम्रोसँग पढ्नुपर्ने प्रेरणा मिल्यो” जस्ता प्रतिक्रिया व्यक्त गरे।

जापानमा पनि २०२४ जुन महिनाबाट सुरु भई २०२५ मेइसम्म कान्तो, क्युस्यु र ओकिनावा क्षेत्रमा रहेका ७ विद्यालय र १ संस्थामा गरी जम्मा १८ पटक करियर विकास कार्यक्रम सञ्चालन गरियो। ती मध्ये ४ पटक भने, पहिले करियर बिकास कार्यक्रममा भाग लिएका विद्यार्थीहरूलाई लक्षित आगामी करियर मार्गतर्फ सचेतना बढाउन “फलो-अप तालिम” को रूपमा आयोजना गरिएको थियो। यी कार्यक्रमहरूमा सहभागी विद्यार्थीहरूको संख्या १,१०० जना भन्दा बढी पुगेको छ। सहभागीहरूले “आवश्यक ज्ञान र सीप कसरी प्राप्त गर्ने भन्ने सिक्न पाएँ”, “लक्ष्य हासिल गर्न आवश्यक सीप पार्ट-टाइम कामबाट पनि सिक्न सकिन्छ भन्ने थाहा पाएँ”, “दैनिक रूपमा जापानी सेवा अझै ध्यान दिएर अवलोकन गर्न थालेँ” जस्ता प्रतिक्रिया व्यक्त गरे। साथै, विद्यालयका प्रतिनिधिहरूले पनि “विद्यार्थीहरू सधैंभन्दा बढी सक्रिय र उत्साहित देखिए”, “उनीहरू भविष्यका योजनाबारे कसरी सोचिरहेका छन् भन्ने बुझ्न सकियो” भन्ने सकारात्मक प्रतिक्रिया दिएका थिए।

आगामी दिनहरूमा पनि यो कार्यक्रम नेपाल र जापान दुवै देशमा निरन्तर सञ्चालन गरिँदै जानेछ। यस कार्यक्रम मार्फत अझ धेरै नेपाली विद्यार्थीहरूलाई आफ्नो करियर निर्माणमा सशक्त बनाइ भविष्यमा नेपालको औद्योगिक विकासमा योगदान गर्न सक्षम बनाउने अपेक्षा गरिएको छ।

जापान यूनिभर्सिटी अफ इकोनोमिक्समा गरिएको क्लास सञ्चालनको दृश्य

२०२५ मेइ १७ (शनिबार) का दिन जापानको नागानो प्रिफेक्चरको कोमागाने शहरमा अध्ययन भ्रमण कार्यक्रम सम्पन्न गरियो। कार्यक्रममा विद्यार्थी तथा डिपेन्डेण्ट आदिमा रही नागानोमा बसोबास गर्ने ११ जना नेपालीहरू सहभागी भएका थिए। यस शहरमा JICA कोमागाने विदेश सहयोग स्वयम्‌सेवक तालिम केन्द्र समेत अवस्थित भएको कारणले, नेपालप्रति आत्मीय भावना र विभिन्न क्षेत्रमा आदानप्रदानको लामो इतिहास रहेको छ।
सहभागीहरूले कोमागाने नगरपालिकाको सहयोगमा, चक्रिय (सर्कुलर) कृषि प्रणालीमार्फत बुनाशिमेजी (च्याउ) र ब्रान्ड प्याज उत्पादन गरी शहरी क्षेत्रमा वितरण गर्ने “अग्रिको” कम्पनी तथा करिब ३,००० मिटर उचाइमा अवस्थित दक्षिण आल्प्स क्षेत्रका ट्रेकिङ्ग आवश्यकतालाई पूरा गर्ने रोपवे, बस, होटललगायत पर्यटन पूर्वाधार सेवा प्रदान गर्ने “चूओ आल्प्स कङ्को” कम्पनीको भ्रमण गरे। यसमार्फत सहभागीहरूले कृषि र पर्यटन व्यवसायको वास्तविक स्थिति,साथै सो क्षेत्रमा रोजगारीको अवस्थाका बारे प्रत्यक्ष अवलोकन गर्ने अवसर पाए।
त्यसैगरी, उनिहरूले कोमागाने पर्यटन संघले सञ्चालन गरेको रोड स्टेशनका पसल “कोमागाने फार्मस” भ्रमण गर्नुका साथै, यहाँ बसोबास गर्ने नेपालीद्वारा सञ्चालित रेस्टुरेन्ट तथा “नेपाल लाइब्रेरी” मा कोमागानेका स्थानीय नागरिकहरूसँग भेटघाट गरी आपसी समझदारी र मित्रता थप मजबुत बनाए।

केही सहभागीहरूले ५ देखि १० वर्षसम्म जापानमा बसेर कामको अनुभव हासिल गरी भविष्यमा नेपाल फर्किएर त्यसको उपयोग गर्दै काम तथा उद्यम गर्ने चाहना व्यक्त गरे। उनीहरूले “बुनाशिमेजी च्याउ उत्पादन प्रक्रियाको कार्यक्षमता, स्वच्छता, तापक्रम र गुणस्तर व्यवस्थापन प्रभावशाली लाग्यो”, “सर्कुलर कृषि महत्त्वपूर्ण छ भन्ने बुझाइ बढ्यो”, “ट्रेकिङ्गसँग सम्बन्धित पर्यटन सेवाको वास्तविकता र यस सम्वन्धि काम बारे प्रष्ट बुझ्न सकियो” जस्ता प्रतिकृया दिएका थिए। यस अध्ययन भ्रमणले सहभागीहरूलाई नयाँ ज्ञान र प्रेरणा दिनुका साथै कोमागाने शहरमा रोजगारीका अवसरप्रति विद्यार्थीहरूको चासो पनि बढेको अनुभूति गरायो।