४ जना नेपाली सर्वेयरहरू सक्रिय रहेको ARIAKE कं. लिमिटेड
CDE प्रोजेक्टले चार जना नेपाली सर्भेयरहरू सक्रिय रूपमा कार्यरत कम्पनि ARIAKE का पहलहरूको बारेमा अन्तरवार्ता लियो।
कम्पनीको संक्षिप्त विवरण
- कम्पनीको नाम：
- ठेगाना：
- कर्मचारी संख्या：
- उद्योग：
- व्यवसायको विवरण：
- होमपेज：
- ARIAKE कं. लिमिटेड
- कुमामोतो शहर, मिनामी-कु, कोउदा २-७-१
- सर्भेयरको रूपमा काम गर्ने ४ जना नेपालीहरू सहित करिब १२० जना
- व्यावसायिक/प्राविधिक सेवा उद्योग (सर्वेक्षण/डिजाइन)）
- मुख्य रूपमा सार्वजनिक परियोजनासँग सम्बन्धित सर्वेक्षण र डिजाइन कार्य।
- यो कम्पनीले सडक निर्माण, नदी संरक्षण, पुल तथा सुरुङ जस्ता संरचनाहरू निर्माण गर्न आवश्यक सर्वेक्षण र डिजाइन कार्यहरू गर्दछ।
- https://www.ariake-s.co.jp/
कम्पनीसँग अन्तर्वार्ता: प्रमुख कार्यकारी निर्देशक, युजी फुजिमोतो
नेपाली कामदारलाई स्वीकार गर्नुको कारण
यहाँ सबैभन्दा पुराना नेपाली २०१८ देखि काम गर्दैछन्। कुमामोतोमा “क्युशु स्योकुर्यो सेन्मोन गाक्को” भन्ने स्कूल छ। त्यहाँ सर्वे विषय पढाइन्छ। म त्यस विद्यालयको कार्यकारी सदस्य पनि हुँ। यद्यपि निर्माण र पूर्वाधार उद्योगमा जनशक्तिको अभाव हुँदै गई विद्यालयमा विद्यार्थीहरू जम्मा हुन सकेका थिएनन्। त्यसैले सर्वे विभागमा विदेशीहरूलाई आकर्षित गरौ भनेर हामीले व्यावसायिक विद्यालयमा जापानी भाषा विभाग स्थापना गर्यौं र त्यहाँ सबैभन्दा बढी आउने विद्यार्थीहरूमा नेपालीहरू थिए। उनीहरूले जापानी भाषा विभागमा जापानी भाषा अध्ययन गरेपछि सर्वे विषय पनि पढे। हामीले हाम्रो अभाव भएको जनशक्ति विदेशीहरूबाट परिपुर्ती गरौ भन्ने सोच राखी उनीहरूलाई रोजगारी दिने कम्पनि पनि बनेका छौं।
नेपाली जनशक्तिको सक्रियता
ARIAKE मा सबैभन्दा पहिले आएका नेपाली बस्नेतजी हुनुहुन्छ। उहाँ नयाँ प्रविधिमा काम गर्ने दृष्टिकोणमा निकै सकारात्मक हुनुहुन्छ। हाम्रो यो सर्वेक्षण, निर्माण परामर्श, र डिजाइनको क्षेत्रमा तिब्र गतिमा प्राविधिक आविष्कार भएको छ। हालै हामीले पनि लेजर सर्वेक्षण प्रयोग गर्न शुरु गरेका छौं। लेजर सर्वेक्षणमा, लेजर मापन उपकरणको साथ ड्रोनलाई सुसज्जित गरेर विस्तृत दायराको भूभागलाई सही रूपमा मापन गर्न सम्भव छ। यद्यपि धेरै ड्रोनहरू विदेशमा बनाइन्छ र त्यसमा डाटा सिर्जना गर्न प्रयोग गरिने सफ्टवेयर पनि अंग्रेजीमा छ। बस्नेतजी जापानी र अङ्ग्रेजी दुवै भाषामा दक्ष हुनुहुन्छ। त्यसैले उहाँले नयाँ मेसिन र सफ्टवेयर सजिलैसँग ह्यान्डल गर्न सक्नुहुन्छ। जापानी विद्यार्थीहरू अंग्रेजीमा त्यति दक्ष नहुँदा उनीहरू त्यति सक्रिय नहुन सक्छन। नयाँ उपकरणको सञ्चालन वा सफ्टवेयरको उपयोगमा नेपाली विद्यार्थीहरू जापानी विद्यार्थीहरू भन्दा सक्षम हुन सक्छन्।
नेपाली कामदारलाई प्रदान गरिएको सपोर्ट
बस्नको लागि कम्पनीले व्यवस्था गरिदिएको ठाउँ छ जहाँ खर्चको बोझ कम हुने गरी व्यवस्थापन गरिएको छ। जापानी नयाँ कर्मचारी र विदेशी कर्मचारीहरू सबैलाई समान किसिमको सुविधा प्रदान गर्ने गरिएको छ। यद्यपि, यस वर्ष भर्खरै आएका बंगलादेशी IT का कर्मचारीहरू जापानी भाषामा दक्ष छैनन् त्यसैले कम्पनीले उनीहरूलाई जापानी भाषा पनि सिकाउँदैछ।
सर्भे कामको आकर्षण
नेपाल अब थप विकास गर्न सक्ने देश हो तर पूर्वाधारमा भने पछाडि परेको छ। सडक, खानेपानी र बत्ति जस्ता पूर्वाधारको सुधार अझै आवश्यक छ। पूर्वाधारको विकास गर्दा सबैभन्दा महत्त्वपूर्ण आधार भनेको सर्भे हो। सर्भे र डिजाइनको प्रविधि सिकेमा आफ्नो देश फर्केर धेरै काम गर्न सकिन्छ। त्यसैले त्यस्ता प्रविधिहरूलाई अवश्य सिक्नुपर्छ। सर्भेको काममा चासो राख्ने व्यक्तिहरू कुमामोतो आउनुहोस् भन्न चाहन्छु। क्युशु स्योकुर्यो सेन्मोन गाक्को (सर्भे पढाइ हुने स्कूल) मा लगभग ७० जना नेपाली छन्। ARIAKE मा ४ जना प्राविधिक र सर्भेयरहरू मेहनतसाथ काम गर्दैछन्। म चाहन्छु कि अरूपनि यस्तै मार्गमा अघि बढून्। कुमामोतोमा तपाईंहरूको पर्खाइमा हुनेछु।
नेपाली कर्मचारीसँगको अन्तर्वार्ता: श्री बिनोद बस्नेत
सर्वेक्षण र डिजाइन भनेको यस्तो महत्वपूर्ण प्रविधि हो जसको कामको अवसर जहाँ गए पनि पाइन्छ, त्यसैले यो क्षेत्रमा भविष्यको चिन्ता हुँदैन। तपाईंले स्वतन्त्र रूपमा काम गर्न सक्नुहुन्छ र स्थिर भविष्य सुनिश्चित गर्न सक्नुहुन्छ। म भविष्यमा डिजाइन सम्बन्धि प्रमाणपत्र पनि प्राप्त गर्न चाहन्छु र त्यसपछि जापानी र नेपाली जनतालाई सर्भे र डिजाइनको प्रविधि सिकाउन चाहन्छु।
४ जना नेपाली कर्मचारीहरूसँगको अन्तर्वार्ता तलको लिंकबाट हेर्नुहोस्।
फोटोको बारेमा（माथिबाट）
・प्रमुख कार्यकारी निर्देशक, युजी फुजिमोतो
・ARIAKE मा सर्भेयरको रूपमा काम गर्ने नेपाली कर्मचारीहरूबायाँबाट: विश्वकर्मा, बिके, बिके, र बस्नेत
・सर्वेक्षण कार्य
४ जना नेपाली सर्वेयरहरू सक्रिय रहेको ARIAKE कं. लिमिटेड Read More »
